Transparencia

O ámbito de actuación do Conservatorio Superior de Vigo é o da Comunidade Autónoma de Galicia, da que depende, sendo un centro público creado pola Consellería de Cultura, Educación e Universidade da Xunta de Galicia. O seu ámbito de actuación, no que ao alumnado se refire, non ten limitación algunha, podendo acoller alumnado que cumpra os requisitos de acceso establecidos na norma vixente, que non é outra que ter unha titulación de bacharelato ou equivalente e superar as probas de acceso que se celebran cada ano nas datas que para os efectos determine a Administración competente en materia de Educación na Comunidade Autónoma. Nesa dirección a vocación do Conservatorio Superior de Vigo é captar alumnado da Comunidade Autónoma de Galicia, noutras comunidades e países próximos ou alleos que contribúan a difusión e mellora do traballo realizado na institución educativa.